Donderdig 21 september  verzorgt de Algemeine Sjrieverskrink Veldeke Limburg  bij Gilde De Graven van 14:00u. tot 16:00u.(met eventuele uitloop) een Literaire Dialekmiddig met korte voordrachten en gedichten.

Dit in ós sjoon Limburgse taal.  Zaerums, Vlorops, Mooferts, Zittesj, Nuts en Kirchräödsj.  Jedere dichter/sjriever zal twee pès drie sjtökker veurdrage ongersjteund mit ein dia (PPT) es achtergróndj. Dit mit o.a.Colla Bemelmans, Marleen Schmitz, John Hertogh en Annie Tummers.

Veldeke Krènk Zitterd deit mit  mit eine kwis en ein invöldictee!

Tösje de versjeije sjrievesj wurt Limburgstalige meziek aafgesjpeelt.

Wat is Schrieverskrink Veldeke?

De provinciale Sjrieverskrink Veldeke besjteit saer 1992, dus al 30 jaor. Neuge sjrievers van Zitterd pès Zaerum, van Krichroa pès Kinder (B) en oet Vlorp (Vlorop), Mofert, Heële en Nut. Veer kómme óm de maondj bie de Vief Heringe in Zitterd biejein. Colla Bemelmans sjrif euver ós: ”Dao besjpraeke veer ós werke en perbeiere dao get van te lere. Veer gaon dao krities mer leif mit óm; veer respekteiere neit allein waat veer sjrieve, mer ouch wie veer dènke. Dat kump ómdat veer in de loup van de jaore eine gróp vrunj zeen gewore”. En: “Mit experimentele opdrachte perbeiere veer ós taalgevuil te verbaetere.”

In de loup der jaore höbbe veer same en ouch allein gans get buik gesjreve en oetgebrach en in versjeije samesjtèllinge door gans Limburg veurdrachte gehawte.